Fota Nadziei Bužan
Siońnia Ministerstva achovy zdaroŭja zajaviła pra pieršy vypadak karanavirusa ŭ Biełarusi — i ludzi stali aktyŭna skuplać maski i supraćvirusnyja preparaty. Sajt sistemy braniravańnia aptečnaj sietki ADEL nie vytrymaŭ i pierastaŭ pracavać pa techničnych pryčynach. Kab pryniać usie zvanki, na pracu vyjšli navat tyja supracoŭniki, jakija byli ŭ adpačynku. Kampanija ADEL prosić biełarusaŭ nie panikavać, piša Tut.by.
— Ciapier sajt sistemy braniravańnia nie pracuje pa techničnych pryčynach. Heta źviazana z surjoznym pavyšeńniem kolkaści karystalnikaŭ u sistemie braniravańnia. Siońnia ŭpieršyniu nami zafiksavany ŭsplosk, zapyty zabraniravać supraćvirusnyja preparaty i maski vyraśli ŭ 40 razoŭ, — raspaviadaje TUT.BY Julija Špak, kiraŭnik pres-słužby chołdynhu «Apteka hrup».
Jak adznačajuć u aptečnaj sietki ADEL, kolkaść zvarotaŭ u kantakt-centr chołdynha «Apteka hrup» uzrasła ŭ try razy. Kab pryniać usie zvanki, na pracu vyjšli navat tyja supracoŭniki, jakija byli ŭ adpačynku.
— Sajt sietki aptek ADEL i sistema braniravańnia adnoviać pracu ŭ najbližejšy čas. Jak supracoŭniki samaj bujnoj kamiercyjnaj sietki aptek my prosim pakupnikoŭ nie paddavacca zališniaj panicy. My kožnuju hadzinu analizujem situacyju pa miedycynskich vyrabach, a taksama hatovyja adkazać na pytańni pakupnikoŭ ab mierach prafiłaktyki karanavirusa, — kaža Julija Špak.
Pavodle jaje słoŭ, u aŭtorak u apteki było pastaŭlena 9,5 tys. masak, ranicaj u piatnicu jany jašče byli ŭ prodažy, a ciapier užo usio razabrali. Nastupnaja pastaŭka zapłanavanaja na paniadziełak.
— Varta źviarnuć uvahu, što maska poŭnaściu nie zaścierahaje ad zaražeńnia i raspaŭsiudžvańnia infiekcyi. Efiektyŭnaj mieraj prafiłaktyki taksama źjaŭlajecca myćcio ruk z myłam i vykarystańnie dadatkova antysieptyčnaha hiela. Tolki kompleksnyja miery, pra jakija nieadnarazova zajaŭlali biełaruskija miedyki, zabiaśpiečać nieabchodnuju prafiłaktyku, — kamientuje Julija Špak, kiraŭnik pres-słužby chołdynhu «Apteka hrup».
U aptečnaj sietcy taksama rekamiendujuć nie kuplać leki pra zapas.
