kurier.at
Charvatyja i Aŭstryja abviaścili pra pieršyja zafiksavanyja na ich terytoryjach vypadki zaražeńnia novym karanavirusam COVID-2019. Usiaho tam vyjaŭlenyja try chvoryja.
Pa słovach charvackaha premjer-ministra Andreja Plenkaviča, čałaviek, jaki trapiŭ u balnicu, žyvie ŭ Zahrabie. «Heta małady čałaviek, u jaho ŭmieranyja simptomy. Jon znachodzicca ŭ izalacyi, jaho stan dobry», — zajaviŭ kiraŭnik urada. Ministr achovy zdaroŭja krainy dadaŭ, što chvory jeździŭ u Miłan z 19 pa 21 lutaha.
Akramia taho, dvoje čałaviek, što zarazilisia karanavirusam, vyjaŭleny ŭ Aŭstryi. Pavodle słužby achovy zdaroŭja pravincyi Tyrol, heta dva italjancy, jakija pražyvajuć u rehijonie. Jany, chutčej za ŭsio, byli infikavanyja padčas naviedvańnia italjanskaj Łambardyi.
