Pieršy vypadak śmierci čałavieka, jaki zaraziŭsia karanavirusam COVID-19, zafiksavany ŭ Paŭdniovaj Karei. Pra heta paviedamili ŭłady krainy.
Pamierły pacyjent prachodziŭ lačeńnie ad pnieŭmanii ŭ balnicy horada Čchando na poŭdni krainy. Najaŭnaść u jaho karanavirusa była paćvierdžana paśla taho, jak jon pamior. Pry hetym niepasrednaja pryčyna śmierci nie paviedamlajecca.
Za adzin dzień kolkaść paćvierdžanych vypadkaŭ zaražeńnia ŭ Paŭdniovaj Karei vyrasła adrazu na 53, a ahulnaja kolkaść skłała 104. Pry hetym bolšaść novych chvorych vyjavili ŭ horadzie Tehu na poŭdni. Mer nasielenaha punkta zaklikaŭ hramadzian pa mahčymaści ŭstrymacca ad vychadu na vulicu.
Taksama paviedamlajecca, što kala 40 čałaviek, jak miarkujecca, zarazilisia ad adnaho zachvarełaha — 61-hadovaj karejanki. Usie jany naviedvali adnu carkvu.
