KBS
Apielacyjny sud u Sieule prysudziŭ byłoha prezidenta Paŭdniovaj Karei Li Mion Baka da 17 hadoŭ turmy za karupcyju. 78-hadovy palityk byŭ pryznany vinavatym u atrymańni chabaraŭ i prysvajeńni srodkaŭ. Raniej jon užo atrymaŭ piatnaccacihadovy termin pa hetaj spravie, ale byŭ vyzvaleny pad zakład z-za drennaha stanu zdaroŭja, piša «Radyjo Svaboda».
Li kiravaŭ Paŭdniovaj Karejaj z 2008 pa 2013 hod i staŭ trecim prezydentam, jaki atrymaŭ abvinavačvańni ŭ kryminalnym złačynstvie. Sud ustanaviŭ, što na pasadzie prezidenta palityk faktyčna vałodaŭ kampanijaj pa vytvorčaści detalaŭ dla aŭtamabilaŭ, zapisanuju na jaho brata i karystaŭsia dla raźvićcia jaje biźniesu svaim statusam.
Prakuror prasiŭ prysudzić Li da 23 hadoŭ turmy. Palityk svaju vinu admaŭlaje.
Z 1980 hoda čatyry palityki z vaśmi, jakija zajmali vyšejšuju dziaržaŭnuju pasadu ŭ Paŭdniovaj Karei, byli prysudžanyja da źniavoleńnia (Čon Du Chvan, Ro De U, Pak Kyn Chie, Li Mion Bak), u troch sieli ŭ turmu svajaki, a adzin (No Mu Chion) skončyŭ žyćcio samahubstvam.
