U aŭtorak hramadzianinu Mieksiki, aryštavanamu ŭ Majami, byli pradjaŭlenyja abvinavačvańni ŭ tym, što jon dziejničaŭ u jakaści «niezarehistravanaha zamiežnaha ahienta» pa zadańni rasijskaj raźviedki, piša Radyjo Svaboda.
Pavodle abvinavaŭčaha zaklučeńnia, 35-hadovy Chiektar Kabrera Fuenties, byŭ zavierbavany supracoŭnikam rasijskaj raźviedki ŭ 2019 hodzie. Jon byŭ aryštavany ŭ aeraporcie pierad pasadkaj u samalot, jaki ruchaŭsia ŭ Miechika. U ZŠA jon pryjechaŭ na minułym tydni pa turystyčnaj vizie z metaj nazirańnia za paviedamlalnikam, jaki davaŭ FBR źviestki pra rasijskuju raźviedvalnuju dziejnaść u Paŭdniovaj Fłarydzie. Pry ahladzie jaho smartfona była vyjaŭlenaja pierapiska z rasijskim kurataram i fatahrafii aŭtamabila abjekta jaho nazirańnia.
Padčas pieršaha źjaŭleńnia ŭ sudzie Kabrera Fuejenties zajaviŭ, što zajmajecca daśledčaj dziejnaściu ŭ Nacyjanalnym univiersitecie Sinhapura.
