Pačatak abkatki puciej čatyroch stancyj treciaj linii mietro zapłanavany na krasavik. Pra heta padčas naviedvańnia stancyi mietro «Vakzalnaja», jakaja ciapier budujecca, raspavioŭ namieśnik hałoŭnaha inžyniera tunelnaha atrada №1 «Mietrabuda» Andrej Sierafimovič, pieradajuć «Minsk-Naviny».
«Užo hatovyja puci, ciahniki na abkatku puścim u krasaviku», — skazaŭ jon.
Ciapier idzie mantaž aŭtamatyčnych dźviarej achoŭnych ekranaŭ na płatformie (jana, darečy, tut na 6 mietraŭ šyrej, čym na astatnich), čatyroch eskałataraŭ, azdableńnie tunelaŭ, jakija viaduć da stancyi «Płošča Lenina». Adzin z tunelaŭ budzie ŭ daŭžyniu 270 mietraŭ, druhi — 180 mietraŭ. Patoki pasažyraŭ buduć padzielenyja. Akramia taho, zaraz prabivajecca tunel da płatformy stancyi «Płošča Lenina».
