Žurnalista Uładzimira Čudziancova, suprać jakoha zaviedzienyja kryminalnyja spravy ab narkotykach i seksualnych dziejańniach ź niepaŭnaletnimi, etapavali ŭ Minsk. Pra heta «Radyjo Svaboda» skazaŭ advakat Alaksandr Halijeŭ.
«Pra pryčyny paviedamić ničoha nie mahu. Bolš padrabiaznuju infarmacyju budu viedać na praciahu niekalkich dzion», — skazaŭ Halijeŭ.
Nahadajem, što Uładzimir Čudziancoŭ byŭ zatrymany 21 listapada na biełaruskaj miažy pa darozie ŭ Varšavu. Padčas mytnaha kantrolu ŭ rečach žurnalista znajšli pakiecik z narkatyčnym rečyvam. Była zaviedziena kryminalnaja sprava. 10 studzienia 2020 hoda Śledčy kamitet paviedamiŭ, što suprać Čudziancova pačali kryminalnuju spravu za «hvałtoŭnyja dziejańni seksualnaha charaktaru ŭ dačynieńni da zaviedama niepaŭnaletniaha» pavodle č. 2 art. 167 Kryminalnaha kodeksa.