Nielha skazać, što Biełaruś znachodzicca pad amierykanskim upłyvam. Pra heta na palach Miunchienskaj kanfierencyi pa biaśpiecy zajaviŭ «Iźviestijam» kiraŭnik MZS našaj krainy Uładzimir Makiej.
Fota Nadziei Bužan.
Pavodle jaho słoŭ, nielha ŭciahnuć Minsk u śfieru niejkaha ŭpłyvu, bo kraina była i znachodzicca ŭ Jeŭropie, dzie pobač «jość vialikija susiedzi, a jość susiedzi mienšyja». Taksama ministr adznačyŭ, što kraina maje namier umacoŭvać adnosiny z usimi važnymi handlova-ekanamičnymi partniorami.
Na pytańnie ab tym, ci budzie zbližeńnie z Vašynhtonam vybudoŭvacca na abmiežavańni adnosin z Rasijaj, Makiej adkazaŭ: «Nikoli Biełaruś nie siabravała i nie budzie siabravać z kimści za košt niekaha, na škodu kamu-niebudź ci suprać kahości».
«My chočam narmalnyja, dobryja adnosiny z usimi našymi partniorami», — skazaŭ jon, zaŭvažyŭšy, što z susiedziami jany abjektyŭna zaŭsiody buduć bolš blizkimi.
