Incydent adbyŭsia ŭ noč na 6 lutaha, paviedamlaje milicyja.
Dvoje mužčyn, babrujčanin i hamialčuk, damovilisia pra abmien aŭtamabilami. U vyniku abmienu žychar Babrujska źjechaŭ na mašynie marki «Ford Mierkury», a žychar Homiela zastaŭsia z aŭto «Ford Fokus».
Mašyny nie pieraafarmlali, pakolki abiedźvie byli z rasijskimi numarami — mužčyny prosta abmianialisia dakumientami i mašynami.
6 lutaha ranicaj hamialčuk nie znajšoŭ svoj «Ford Fokus» na pryparkavanym miescy i źviarnuŭsia ŭ milicyju.
Jak akazałasia, «Ford Fokus» byŭ adbuksiravany «Fordam Mierkury», jaki dastaŭsia babrujčaninu.
Były ŭładalnik «Forda Fokusa» razam z tavaryšam pryjechaŭ nočču na dvor, dzie była pryparkavana mašyna, adamknuŭ jaje, ale zavieści nie zmoh. Tady zmoŭščyki vyrašyli ŭziać aŭto na buksir i prajechali tak bolš za 180 kiłamietraŭ.
