Prezident Łatvii Ehiłs Levits, acaniŭšy prajekt papravak da zakona ab elektronnych ŚMI, zaklikaŭ kamitet Siejma pa pravach čałavieka i hramadskich spravach unieści ŭ jaho istotnyja papraŭki, kab umacavać infarmacyjnuju prastoru Łatvii, piša Delfi.
Levits prapanuje pavialičyć praporcyju teleprahram na aficyjnych movach ES, što faktyčna aznačaje pamianšeńnie kolkaści teleprahram na ruskaj movie.
U asnoŭnuju prapanovu dla abanientaŭ abaviazkova pavinny ŭvachodzić teleprahramy łatvijskich ŚMI, dziaržaŭnych i kamiercyjnych, a taksama rehijanalnyja prahramy. Kali ŭ asnoŭnuju prapanovu ŭklučany dadatkovyja prahramy, to minimum 80% ź ich pavinny być na aficyjnych movach ES i Jeŭrapiejskaj ekanamičnaj zony.
«Mocnaja infarmacyjnaja prastora słužyć važnym załoham demakratyi i nacyjanalnaj biaśpieki Łatvii. Zakanadaŭca pavinien być u stanie zabiaśpiečyć hramadzianam Łatvii dostup da vysakajakasnych i pluralistyčnych televizijnych prahram, jakija ŭmacoŭvajuć prynaležnaść Łatvii da jeŭrapiejskaj kulturnaj prastory i spryjajuć jaje intehracyi ŭ ahulny dyskurs jeŭrapiejskaj infarmacyjnaj prastory», — adznačaje Levits.
