Litva ličyć, što Rasieja mocna ciśnie na Biełaruś i pahražaje suvierenitetu respubliki. Takoje mierkavańnie pry razmovie ź biełaruskimi žurnalistami vykazaŭ kiraŭnik MZS Litvy Linas Linkiavičus, paviedamlaje Tut.by.
Fota: Nadziei Bužan.
— Sprobam ažyćciavić dahavor pa intehracyi ŭžo 20 hadoŭ. Ja, pamiataju, spytaŭ, čamu tak doŭha. I mnie chtości adkazaŭ, što jość u intehracyi pačatak i niama ŭ intehracyi kanca. Kali surjozna, to my nie ličym, što heta stanoŭča. My zacikaŭlenyja ŭ zachavańni suvierenitetu Biełarusi, i dyjałoh ź Jeŭrasajuzam moža hetamu spryjać. Choć my adčuvajem nacisk na Biełaruś ad vialikaha susieda, — zajaviŭ kiraŭnik MZS Litvy.
Pa słovach Linkiavičusa, Litva nie maje prava ŭpłyvać na ŭnutranyja pracesy Biełarusi. Ale adčuvańnie, što suvierenitetu našaj krainy z boku Rasiei niešta pahražaje, jość nie tolki ŭ Litvie, ale i «va ŭsim śviecie».
— Nakolki ja zrazumieŭ, heta adčuvańnie jość va ŭsim śviecie, u bolšaj ci mienšaj stupieni. Niekalki miesiacaŭ tamu navat byli vykazvańni, što heta pytańnie pary tydniaŭ [strata suvierenitetu Biełaruśsiu], ale vyjaviłasia, dziakuj Bohu, što heta niapraŭda. Situacyja składanaja, treba sprabavać choć by ŭbačyć sutnaść pracesu, a jon — u vialikim nacisku. Niahledziačy na toje što damova ab intehracyi jašče nie ŭvasoblenaja ŭ žyćcio, de-fakta intehracyja ŭžo prysutničaje ŭ takich halinach, jak abarona, biaśpieka. Vučeńni «Zachad» pakazali, nakolki mocna terytoryja Biełarusi zadziejničanaja, — zajaviŭ ministr.