Maštabnuju acenku efiektyŭnaści stymulujučych padatkovych ilhot praviaduć u Biełarusi ŭ 2020-2022 hadach, paviedamiŭ siońnia ministr pa padatkach i zborach Siarhiej Nalivajka na pasiadžeńni padahulniajučaj kalehii ministerstva, piša BiełTA
«Dla zabieśpiačeńnia dachodaŭ biudžetu taksama z ulikam isnujučych źniešnich umoŭ naśpieła nieabchodnaść admianić ilhoty, jakija nie dajuć patrebnaha efiektu. Na praciahu 2020-2022 hadoŭ praduhledžanaja maštabnaja acenka efiektyŭnaści dziejučych stymulujučych padatkovych ilhot», — adznačyŭ Siarhiej Nalivajka.
Dla hetaha ŭ najbližejšy čas MPZ razam ź Ministerstvam finansaŭ i Dziaržaŭnym mytnym kamitetam vyznačać pieralik ilhot, efiektyŭnaść jakich treba acanić u biahučym hodzie. Dziaržorhany praanalizujuć koła płacielščykaŭ, jakija skarystalisia hetymi lhotami, i pakazčyki ich dziejnaści.
Jak paviedamlałasia, u kancy 2019 hoda ŭrad zaćvierdziŭ paradak acenki efiektyŭnaści stymulujučych padatkovych ilhot. Jany pradastaŭlajucca dla paskoranaha raźvićcia haspadarčaj dziejnaści peŭnych katehoryj płacielščykaŭ pa vidach ekanamičnaj dziejnaści, vidach tavaraŭ (rabot, pasłuh), majomasnych pravoŭ, na asobnych terytoryjach.
