«Transnafta» ŭ studzieni pieraraźmierkavała naftu, jakaja mahła b być pastaŭlena na NPZ Biełarusi, u tym liku ŭ party, paviedamiŭ «Interfaksu» kiraŭnik kampanii Mikałaj Tokaraŭ.
Fota: Nadziei Bužan.
Jon zaŭvažyŭ, što pakul zajavak na prapampoŭku nafty ŭ lutym na biełaruskija NPZ niama.
«U nas prablem nie ŭźnikła. Pieranakiravali, u tym liku, i ŭ party. Heta zvyčajnaja praktyka. My havaryli z hetaj nahody, što vialikaj prablemy dla nas tut niama. Pakul što zajavak na luty nie było. Ale kali z «Safmaram» damoviacca, to my prapampujem», — skazaŭ jon.
Pakolki Maskva i Minsk nie zaklučyli pahadnieńnia ab umovach pastavak nafty ŭ 2020 hodzie, Rasija z 1 studzienia spyniła pastaŭku nafty biełaruskim naftapierapracoŭčym zavodam, choć z 4 studzienia pastaŭki byli častkova adnoŭlenyja naftavymi kampanijami hrupy «Safmar» Michaiła Huceryjeva.
21 studzienia Łukašenka zajaviŭ, što kraina budzie damahacca taho, kab uvaznaja z Rasii nafta składała 30-40% usioj patreby, a pa 30% nafty jana pavinna impartavać praz krainy Bałtyi i Ukrainu.