Amierykanski finansist i miljarder Džordž Soras zajaviŭ, što vyłučyć 1 miljard dalaraŭ na stvareńnie hłabalnaha ŭniviersiteta dla baraćby z aŭtarytarnymi ŭradami i źmianieńniem klimatu, pieradaje Bloomberg.
Na Suśvietnym ekanamičnym forumie ŭ Davosie Soras zajaviŭ, što na bazie ŭniviersiteckaj sietki «Adkrytaje hramadstva» płanujecca zapuścić mižnarodnuju płatformu dla navučańnia i daśledavańniaŭ. Univiersitet budzie adkryty ŭ supracoŭnictvie z Centralna-Jeŭrapiejskim univiersitetam i Bard-kaledžam.
«U jakaści doŭhaterminovaj stratehii naša hałoŭnaja meta zaklučajecca ŭ dostupie da jakasnaj adukacyi, u pryvatnaści adukacyi, jakaja ŭmacoŭvaje aŭtanomiju asoby, raźvivaje krytyčnaje myśleńnie, padkreślivajučy akademičnuju svabodu», — skazaŭ Soras.
