croatiaweek.com
Adnym z samych lepšych napramkaŭ dla turystaŭ, što vandrujuć u samocie, źjaŭlajecca Charvatyja. Adpaviedny śpis apublikavaŭ partał HypeBae, piša lenta.ru
Na dumku składalnikaŭ rejtynhu, hetaja kraina idealnaja dla prahułak pa parkach, ahladu haradskich słavutaściaŭ i vinakurań. Akramia taho, u Dubroŭniku jość mahčymaść naviedać miescy zdymak sieryjała «Hulnia tronaŭ».
Taksama aŭtary materyjału rajać adpravicca ŭ Pieru i pabyvać na terytoryi staražytnaha horada inkaŭ Maču-Pikču.
Nie mienš pryvabnym dla adzinokich padarožnikaŭ miescam paličyli Bali z papularnymi dla johi i miedytacyi kurortami, Paŭdniovuju Kareju z budyjskimi chramami, Ńju-Jork z šyrokim śpisam miescaŭ dla piešych prahułak, prahladu šou i šopinhu. Narešcie, samotnym turystam varta adpravicca ŭ viadomuju malaŭničymi vidami Šviejcaryju, pakaštavać nacyjanalnyja stravy Italii i naviedać karnavał u horadzie Novy Arlean amierykanskaha štata Łuizijana.
Akramia taho, u prapanavanym śpisie apynulisia vostraŭ Malta, dackaja stalica Kapienhahien, ispanskija Madryd, Barsiełona, Isłandyja, Hankonh, stalica Niderłandaŭ Amsterdam, Novaja Ziełandyja, Maroka, Aŭstralija, Tajłand, Japonija i Sinhapur.
