16 studzienia premjer Łatvii Kryšjanis Karyńš u Minsku abmiarkoŭvaŭ tranzit nafty dla «Naftana».
Kali hety prajekt udasca zapuścić, heta moža stać paratunkam dla Łatvijskaj čyhunki. U dzień vizitu pres-sakratarka Latvijas dzelzceļš (LDz) u svaim pres-relizie paviedamiła, što Łatvijskaja čyhunka maje skaracić 1500 sa svaich prykładna 10 000 supracoŭnikaŭ. Skaračeńni źviazvajucca z padzieńniem tranzitu hruzaŭ praz Łatviju. U 2019 hodzie Łatvijskaja čyhunka stała stratnaj, choć u 2018-m adpracavała z prybytkam.
Usiaho ŭ pačatku 2020 hoda ŭ kampanii LDz pracavali 6265 čałavieka, a va ŭsich pradpryjemstvach kancerna LDz — 9950 čałaviek.
Dla paraŭnańnia: na Biełaruskaj čyhuncy pracuje kala 76 tysiač čałaviek.
0
0
0
0
0
0
