Uładzimir Pucin i Alaksandr Łukašenka mohuć pravieści telefonnuju razmovu dla ŭrehulavańnia hazavych pytańniaŭ, kali paličać heta nieabchodnym. Pra heta ŭ piatnicu paviedamiŭ žurnalistam pres-sakratar rasijskaha lidara Dźmitryj Piaskoŭ, piša TASS.
«Tam jość niekatory cejtnot, bo zastajucca nieŭrehulavanyja pytańni. Ale kantakty viaducca, i my čakajem, što kali prezidenty paličać nieabchodnym, jany stelefanujucca da kanca hoda», — skazaŭ Piaskoŭ.
20 śniežnia stała viadoma pra kanceptualnuju damoŭlenaść Rasii i Biełarusi pa pastaŭkach nafty i hazu. Łukašenka zajaviŭ, što ŭ 2020 hodzie kraina maje namier zakupić u RF kala 20 młrd kub. m hazu i 24-25 młn ton nafty.
Dakładnuju canu na haz baki płanavali vyznačyć u najbližejšy čas. Pavodle słoŭ Łukašenki, u cełym jana zastaniecca na ŭzroŭni hetaha hoda ($ 127 za 1 tys. kub. m)
