Fota Nadziei Bužan
Amierykanski U. S. News & World Report apublikavaŭ rejtynh samych mahutnych krain śvietu ŭ 2019 hodzie. Rejtynh apublikavany na sajcie adnaho z samych pavažanych palityčnych vydańniaŭ ZŠA.
Na pieršym miescy raźmiaścilisia ZŠA, na druhim Rasija, zamknuŭ trojku lidaraŭ Kitaj.
U dziasiatku krain uvachodziać Niamieččyna, Vialikabrytanija, Francyja, Japonija, Izrail, Saudaŭskaja Aravija, Paŭdniovaja Kareja.
Pry składańni ŭličvalisia takija kryteryi, jak VUP, kolkaść nasielnictva, pakazčyk VUP na dušu nasielnictva, źjaŭleńnie ŭ zahałoŭkach navin, udzieł u farmiravańni hłabalnych ekanamičnych madelaŭ. Taksama, upeŭnienyja analityki, «kali mahutnaja kraina štości abiacaje, to, prynamsi, niekatoryja ŭ mižnarodnaj supolnaści vierać, što jana strymaje abiacańnie».
Biełaruś u rejtynhu zajmaje 35-je miesca, Novaja Ziełandyja — 34-ja, a Luksiemburh — 37-y.
Ukraina — 39-ja, Polšča — 44-ja, Litva — 76-ja, Łatvija — 79-ja, Estonija — 80-ja.