Prajekt ustanoŭki ŭ Minsku pryład dla papaŭnieńnia bieskantaktavych smart-kart i prodažu razavych prajaznych tałonaŭ, a taksama mahčymaść realizacyi biletaŭ na pramiežkavych punktach maršrutaŭ praź śpiecyjalnyja apłatnyja terminały abmierkavali na forumie «Novyja technałohii dla pavyšeńnia jakaści transpartnaha absłuhoŭvańnia pasažyraŭ. Vykliki i šlachu raźvićcia» ŭ Minsku, pieradaje BiełTA.
Zamienu kijoskaŭ pa prodažy kvitkoŭ na pryłady samaabsłuhoŭvańnia zakranaŭ na sustrečy z pracoŭnym kalektyvam tralejbusnaha parka №3 mer stalicy Anatol Sivak. «Minsktransu» była pastaŭlena adpaviednaja zadača.
Vykanaŭčy dyrektar TDA «Biełtranskom» Juryj Łacapnieŭ rastłumačyŭ, što ciapier možna kazać pra stadyju technika-ekanamičnaha zadańnia na ŭstanoŭku tysiačy takich kijoskaŭ pa horadzie.
«Heta vielmi darahaja pryłada, jakaja sumiaščaje ŭ sabie niekalki funkcyj: roznyja sposaby vydačy kvitkoŭ, papaŭnieńnia BSK, sčytvańnie bankaŭskaj kartki. Plus treba aciapleńnie, pakolki biez hetaha zimoj u maroz pryłada prosta nie budzie pracavać», - adznačyŭ Juryj Łacapnieŭ.
Akramia taho prahučała infarmacyja ad HP «Minsktrans» ab tym, što ŭ ich sistemie nabiraje papularnaść prodaž biletaŭ praz daviedačnyja apłatnyja terminały. Zaraz majecca 17 takich terminałaŭ, usie jany zapatrabavanyja. Ale, na dumku dyrektara filijała «Minski aŭtavakzał» Michaiła Marcula, asabliva darečnymi byli b takija pryłady na pramiežkavych prypynačnych punktach maršrutaŭ. Naprykład, kali z aŭtavakzała «Centralny» ŭ napramku Uručča adpraŭlajecca aŭtobus, na hetaj pramiežkavaj stancyi kupić bilet možna tolki ŭ kiroŭcy padčas pasadki. Heta stvaraje čarhu.
«Ale možna vykarystoŭvać i inšyja srodki, - raźviŭ dumku Juryj Łacapnieŭ. - My ŭžo padrychtavali rašeńnie - tak zvanaje aŭtamatyzavanaje pracoŭnaje miesca kiroŭcy. Heta bankaŭski terminał, sumieščany z kasaj. Heta dazvolić kiroŭcu pravodzić apłatu na adnoj pryładzie jak za najaŭnyja, tak i pa bieznajaŭnym raźliku».
Takim čynam, užo ŭ pieršaj pałovie 2020 hoda niejki z najaŭnych varyjantaŭ budzie aprabavany na staličnych maršrutach.
Akramia taho, pradstaŭnik Ministerstva transpartu paviedamiŭ, što ŭ Minsku płanujecca realizavać prajekt pa apłacie prajezdu u naziemnym transparcie bankaŭskaj kartkaj (takoje techničnaje rašeńnie testujecca zaraz na tramvajnym maršrucie №6).
