U ZŠA ŭ vieku 73 hadoŭ pamior były major KHB Viktar Šejmaŭ. Jak paviedamiła haziecie Washington Post jaho žonka Volha, pryčynaj śmierci stała chvaroba lohkich, piša rbc.ru.
Šejmaŭ pracavaŭ u vośmym hałoŭnym upraŭleńni KHB, ale ŭ 1980 hodzie vyrašyŭ źbiehčy na Zachad. Jon pryjšoŭ u amierykanskaje pasolstva ŭ Varšavie i paprasiŭ vyvieźci jaho razam z žonkaj i dačkoj u abmien na pieradaču važnaj infarmacyi.
Svajo rašeńnie amierykanskim śpiecsłužbam jon patłumačyŭ tym, što rasčaravaŭsia ŭ savieckim ładzie žyćcia, a taksama tym, što padazravaŭ orhany dziaržbiaśpieki ŭ śmierci adnaho sa svaich siabroŭ.
U vyniku sakretnaj apieracyi Šejmava vyvieźli za miežy SSSR. Pa adnoj viersii, praź finskuju miažu, pa druhoj — praz Karpackija hory.
Na praciahu hoda Šejmaŭ na dopytach vydavaŭ amierykancam sakretnuju infarmacyju. U intervju ŭ 1990 hodzie jon zajaviŭ, što jaho metaj było nanieści kamunistyčnaj sistemie jak maha bolšuju škodu. U pryvatnaści jon śćviardžaŭ, što KDB raspracoŭvała apieracyju pa zabojstvie Papy Jana Paŭła II. Taksama jon zdaŭ dvuch supracoŭnikaŭ Dziarždepartamientu ZŠA, jakija pracavali na KHB, a taksama zavierbavanaha savieckimi śpiecsłužbami «krata» ŭ CRU. Jon taksama raspavioŭ pra «žučki» ŭ novym budynku pasolstva ZŠA ŭ Maskvie.
