Cieła žančyny było znojdziena na miescy pažaru ŭ Adeskim kaledžy ekanomiki. Takim čynam, kolkaść achviar trahiedyi pavialičyłasia da dvuch. 13 źnikłych bieź viestak praciahvajuć šukać, piša bbc.com.
Pad zavałami budynka znajšli cieła darosłaj žančyny biez prykmiet žyćcia. Ciapier supracoŭniki milicyi vyśviatlajuć jaje asobu.
Taksama ŭ vyniku pažaru paciarpieli 30 čałaviek, ich vyratavali.
Adkrytaha ahniu niama, pažarnyja hasiać pad zavałami tolki asobnyja ačahi tleńnia.
Čakajecca, što zavały buduć raźbirać usiu noč.
Jak paviedamlaje adeskaje vydańnie «Dumskaja», ad pažaru taksama paciarpieli siem pažarnych.
Čatyroch nakryli leśvicy, jakija ŭpali ad ahniu ŭnutry doma.
I adnaho źbiła z drabiny studentka, jakaja, ratujučysia ad ahniu, vyskačyła z akna.
Pavodle vydańnia, pažarny ŭ vielmi ciažkim stanie - u jaho surjoznaja čerapna-mazhavaja traŭma.
Sama studentka zahinuła - heta pieršaja achviara pažaru.
Pažar pačaŭsia 4 śniežnia na trecim paviersie staroha budynka 1914 hoda pabudovy, jaki vykarystoŭvajecca Adeskim kaledžam ekanomiki, prava i haściničnaha i restarannaha biźniesu.
Ličycca, što pryčynaj pažaru mahła być niaspraŭnaja elektratechnika, u pryvatnaści padaŭžalnik.
Raspaŭsiudu ahniu spryjała toje, što častka ŭnutranych pieraharodak u domie — z haručaha tryśniahu.
