Fota Nadziei Bužan
Anansavanyja na 5 śniežnia pieramovy pamiž Rasijaj i Ukrainaj ab zaklučeńni novaj damovy na tranzit hazu ŭ Jeŭrasajuz nie adbuducca. Pra heta paviedamili ŭ pres-słužbie Ministerstva enierhietyki Ukrainy. Novaja data trochbakovych kansultacyj z udziełam pradstaŭnikoŭ ES nie pryznačanaja, pieradaje «Hromadskie».
Pravieści pieramovy ŭ hetuju datu prapanavaŭ ministr enierhietyki Ukrainy Alaksiej Oržel. Jaho rasijski kaleha Alaksandr Novak papiarednie pahadziŭsia, ale z umovaj, što da taho momantu «Naftahaz» i «Hazprom» zmohuć damovicca ab techničnych detalach kantraktu.
Napiaredadni Oržel mierkavaŭ, što Maskva i Kijeŭ nieŭzabavie mohuć pačać abmiarkoŭvać detali tranzitnaha pahadnieńnia, u tym liku termin jaho dziejańnia, abjom prapampoŭki i taryfy.
