Sud Hłybockaha rajona razhledzieŭ kryminalnuju spravu pa abvinavačvańni 34-hadovaha byłoha namieśnika staršyni Brasłaŭskaha rajvykankama ŭ pieravyšeńni słužbovych paŭnamoctvaŭ, paviedamili BIEŁTA ŭ pres-słužbie abłasnoha suda.
Abvinavačany zajmaŭ pasadu namieśnika staršyni Brasłaŭskaha rajvykankama ŭ 2015-2018 hadach. U hety čas jon z kaleham i jašče adnym čałaviekam damovilisia prysvoić hrošy, jakija vydzieliŭ Jeŭrasajuz dla apłaty pracy kamandy pa realizacyi mižnarodnaha prajekta.
Były čynoŭnik razam ź inšym dziaržsłužačym davali niezakonnyja ŭkazańni ab pieradačy im uznaharodžańniaŭ, atrymanych ad udzielnikaŭ prajekta pa dahavorach padradu za akazanyja pasłuhi. U vyniku kampanija zavałodała hrašyma na nie mienš čym na 63,7 tys. rubloŭ, ź ich zvyš 14 tys. tady atrymaŭ namieśnik staršyni vykankama. Akramia taho, abvinavačvany z saŭdzielnikami fiktyŭna aformili buchhałtaraŭ na mižnarodny prajekt ad ES. Premijalnyja jany padzialili pamiž saboj.
Były čynoŭnik vinavatym pryznaŭ siabie całkam, raskajaŭsia ŭ złačynstvie.
Mužčyna pryznany vinavatym u pieravyšeńni słužbovych paŭnamoctvaŭ, učynienych z karyślivaj zacikaŭlenaści. Na padstavie č.3 art.426 KK jamu pryznačana pakarańnie ŭ vyhladzie pazbaŭleńnia voli na termin 3 hady 6 miesiacaŭ z pazbaŭleńniem prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ, na 5 hadoŭ. Na padstavie č.2 art.77 KK da abvinavačanaha ŭžyta adterminoŭka vykanańnia pryznačanaha asnoŭnaha pakarańnia na 3 hady. Jon abaviazany na praciahu hetaha terminu nie mianiać miesca žycharstva biez zhody orhana, jaki ažyćciaŭlaje kantrol za pavodzinami asudžanaha, nie vyjazdžać pa asabistych spravach daŭžej, čym na adzin miesiac, za miežy rajona miesca žycharstva.
Prysud u zakonnuju siłu nie ŭstupiŭ i moža być abskardžany i apratestavany.
