Milicejskija aŭčarki pa śladach znajšli padazravanaha ŭ kradziažy z šaurmiarni i praniknieńni ŭ čužuju chatu, paviedamlaje milicyja.
Ranicaj 27 listapada rabotniki abjekta hramadskaha charčavańnia vyklikali milicyju: akno ŭ pamiaškańnie šaurmiarni było ŭzłamana, źnikli hrošy, elektračajnik i pieč-hryl. Na miescy zdareńnia syščyki pahladzieli zapisy z kamier videanazirańnia i skłali partret mierkavanaha złačyncy. U jaho pošuku supracoŭnikam dapamahaŭ słužbovy sabaka pa mianušcy Aza. Prajšoŭšy pa śledzie 1,5 km, sabaka znajšoŭ la padjezda šmatpaviarchovika maładoha čałavieka, padobnaha pa prykmietach. Im akazaŭsia 26-hadovy žychar Minskaha rajona. Nie admaŭlajučy svajo dačynieńnie da kradziažu, jon viarnuŭ skradzienaje, što zachoŭvałasia ŭ kvatery znajomaha.
Haspadary adnaho z pryvatnych damoŭ paviedamili ŭ milicyju ab niezakonnym praniknieńni ŭ ich žyllo. Chtości zalez tudy praz akno, ale ničoha nie skraŭ. Na miescy z pravaachoŭnikami pracavaŭ słužbovy sabaka Departamienta achovy MUS pa mianušcy Łarnaka. Łarnaka ŭziała śled i, doŭha piatlajučy pa im, vyvieła milicyjantaŭ da toj samaj šaurmiarni.
Małady čałaviek akazaŭsia datyčny da abodvuch zdareńniaŭ. Jon raspavioŭ apieratyŭnikam, što nie znajšoŭ ničoha kaštoŭnaha ŭ čužoj chacie i abakraŭ šaurmiarniu.
