Nadpis abviaščaje: Vy źjaŭlajeciesia daŭžnikom za žyllova-kamunalnyja pasłuhi, piša BOBR.by. Chto lepić takija nalepki i za jakija «pravinnaści»?
Kamientar dała Taćciana Łysienka, načalnik adździeła arhanizacyjna-kadravaj raboty Babrujskaha ŭnitarnaha kamunalnaha daččynaha pradpryjemstva pa absłuhoŭvańni žyllovaha fondu Leninskaha rajona.
Jana patłumačyła, što hetaja praktyka vykarystoŭvajecca z maja 2019 hoda va ŭsioj Mahiloŭskaj vobłaści. Havorka ab uviadzieńni takoj miery viałasia na sieminarach u navučalnym centry Mahiloŭskaha adździeła ŭpraŭleńnia žyllova-kamunalnaj haspadarki.
— Nalepki — adna ź mier stymulavańnia hramadzian da apłaty zapazyčanaści pa kamunalnych pasłuhach.
Spačatku da kožnaha daŭžnika prychodzić kamisija. Kali dźviery adčynili — uručajuć papiaredžańni, viaduć tłumačalnuju hutarku. Udakładniajuć ŭ hramadzian najaŭnaść pavažnych pryčyn zapazyčanaści. Taksama daŭžniku addajuć apaviaščeńnie z ustanoŭlenym terminam pahašeńnia doŭhu.
Akramia hetaha, našy rabotniki pakidajuć u dźviarach papiaredžańni ab tym, što majecca doŭh z ukazańniem sumy. Mohuć pakidać paviedamleńni pra toje, što daŭžniki žyłych pamiaškańniaŭ kamiercyjnaha vykarystańnia i internataŭ mohuć być vysieleny. Papiaredžvajuć i pra mahčymaść adklučeńnia elektraenierhii i vady.
Kali apłata nie praviedziena, kamisija prychodzić paŭtorna. Pry zapazyčanaści zvyš dvuch miesiacaŭ pačynajuć prymacca miery pa adklučeńni pasłuh. Spačatku elektraenierhija, u druhuju čarhu — vada.
«Čyrvonaja mietka» lepicca nie ŭsim daŭžnikam, a tolki ŭ tym vypadku, kali nie praviedziena apłata, u tym liku paśla naviedvańnia daŭžnika doma.
Tym, chto maje dva-try miesiacy zapazyčanaści, takuju nalepku, viadoma, nie nalepiać.
