Biełaviežskaja pušča ŭvajšła ŭ top-25 miescaŭ dla padarožžaŭ u 2020 hodzie pa viersii National Geographic. Takaja infarmacyja źjaviłasia na sajcie vydańnia.
Turystam prapanujuć naviedać adzin z apošnich kutkoŭ dzikaj pryrody ŭ Jeŭropie. Biełaviežskaja pušča ŭklučana ŭ Śpis abjektaŭ Suśvietnaj spadčyny JUNIESKA. Jana raźmiaščajecca na vialikaj terytoryi i nahadvaje svojeasablivy aazis. Asablivuju cikavaść ujaŭlajuć nasielniki puščy: papulacyja jeŭrapiejskaha zubra, šmatlikija vidy ptušak i sysunoŭ. National Geographic raić naviedvać pušču ŭ vieraśni — kastryčniku.
Taksama ŭ top-25 samych cikavych miescaŭ na płaniecie ŭvajšli kitajskaja pravincyja Hujčžou, japonski rehijon Tachoku, «sini maršrut» u Vienhryi, horad-muziej Telč u Čechii, Madlenskija vyspy ŭ Kanadzie, fort Kočy ŭ Indyi, Nacyjanalny park Zakuma ŭ Čadzie, horad Fiładelfija i Nacyjanalny park Hrand-Kańjon u ZŠA, Maldyvy, štat Tasmanija ŭ Aŭstralii, paŭvostraŭ Kamčatka ŭ Rasii i inš.
