Ranicaj 15 listapada ŭ Čyhunačny RAUS Homiela źviarnuŭsia mieniedžar słužby taksi i paviedamiŭ, što ŭnačy z ofisa vykrali siejf, paviedamlaje pres-słužba milicyi.
Na miesca zdareńnia vybyła śledča-apieratyŭnaja hrupa. Škło ŭvachodnych dźviarej było raźbita i prałomlena ściana ŭ budynku. Z pamiaškańnia vykradzieny siejf, u jakim zachoŭvalisia 26 aŭtamabilnych klučoŭ, 3 mabilnyja telefony, noŭtbuk i bolš za 15 tys. rubloŭ.
Syščyki va ŭzajemadziejańni z ekśpiertami ŭstanavili asoby padazravanych, jakija mohuć być datyčnyja da złačynstva. Imi akazalisia mužčyny 37 i 39 hadoŭ, žychary Homielščyny. Adzin ź ich raniej nieadnarazova sudzimy, sprabavaŭ uładkavacca ŭ dadzienuju firmu kiroŭcam taksi.
Pa miescy žycharstva zatrymanych byli praviedzienyja pieratrusy. Kanfiskavana častka vykradzienych hrošaj i noŭtbuk. Taksama pravaachoŭniki znajšli ŭzłamany siejf, jaki mužčyny vykinuli ŭ adzin z vadajomaŭ Vietkaŭskaha rajona.
