Uličvajučy vopyt inšych krain u refarmavańni dziaržaŭnaha siektara, Biełarusi treba znajści svaju chutkaść praviadzieńnia padobnaj reformy, jakaja daść mahčymaść dasiahnuć hałoŭnaj mety — pavyšeńnia dabrabytu dziaržsiektara. Takoje mierkavańnie vykazaŭ ministr finansaŭ Maksim Jermałovič padčas «Kastryčnickaha ekanamičnaha forumu», pieradaje BiełTA.
Ahułam, adznačyŭ ministr, razmovy ab efiektyŭnaści abo nieefiektyŭnaści dziaržaŭnaha siektara siońnia mocna pierabolšanyja. Novyja vykliki pierad ekanamičnymi sistemami paŭstajuć nie tolki ŭ Biełarusi, heta adbyvajecca va ŭsich krainach śvietu. I na pieršaje miesca tut vychodzić niastača pracoŭnaj siły. U hetaj suviazi asnoŭnaja zadača ŭ ramkach ekanamičnaj sistemy — rabić hetymi mienšymi pracoŭnymi resursami bolšy VUP. Dla hetaha patrebnyja novyja technałohii, inviestycyi, ličyć Maksim Jermałovič.
Pavodle jaho słoŭ, dla vyrašeńnia hetaj zadačy i vybudoŭvajecca reforma dziaržaŭnych pradpryjemstvaŭ. Kiraŭnik Minfina ličyć, što možna spadziavacca na toje, što budzie prychodzić stratehičny inviestar ŭ tradycyjnyja dla krainy haliny i pryŭnosić technałohii.
Ale dla taho, kab inviestar pryjšoŭ, patrebna adpaviednaje rynkavaje asiarodździe, sistema zakanadaŭstva, padatkaabkładańnia, a taksama šerah inšych faktaraŭ.
«My bačym prykłady inšych krain, jakija išli chutčejšymi tempami i ŭ pracesach pryvatyzacyi dziaržułasnaści, i ŭ pracesach libieralizacyi ŭnutranaha zakanadaŭstva. Jość i plusy ŭ hetaj chutkaj reformie, jość i minusy. My pavinny znajści svaju kamfortnuju chutkaść hetych reformaŭ, kab zabiaśpiečyć toje, dziela čaho pracujem — pavyšeńnie dabrabytu dziaržsiektara», — skazaŭ Jermałovič.
