Pra vypadak, što zdaryŭsia 15 lipienia, piša kraj.by:
Abvinavačanaja — 33-hadovaja žančyna, nidzie nie pracuje, raźviedzienaja. Ranicaj pryjšła ŭ rajvykankam. U hety čas rabotniki vykanaŭčaha kamiteta, jakich jana vielmi chacieła bačyć, znachodzilisia na naradzie. Pra heta žančynie skazała 25-hadovaja supracoŭnica adździeła Departamienta achovy. Ale naviedvalnicu taki raskład nie zadavoliŭ.
Jana pačała praryvacca ŭnutr budynka. Dziaŭčyna-milicyjant sprabavała tłumačyć procipraŭnaść jaje dziejańniaŭ i nie davała prajści.
Tady naviedvalnica stała šturchać dziaŭčynu-milicyjanta. Potym schapiła za palec pravaj ruki i rezka tuzanuła jaho ŭniz. U vyniku dziaŭčyna atrymała vyvich palca.
Cikava, što abvinavačanaja ŭ červieni 2016 h. była sudzimaja za hvałt u dačynieńni da słužbovaj asoby, jakaja vykonvaje słužbovyja abaviazki.
Tady sud prysudziŭ žančynu da 2 hadoŭ 6 miesiacaŭ abmiežavańnia voli biez nakiravańnia ŭ vypraŭlenčuju ŭstanovu adkrytaha typu. Jana adbyła pakarańnie, ale sudzimaść jašče nie źniataja i nie pahašana.
Zaraz jana znachodzicca pad padpiskaj ab niavyjeździe i naležnych pavodzinach.
Novaje ž złačynstva karajecca aryštam ci abmiežavańniem voli na termin da piaci hadoŭ, abo pazbaŭleńniem voli na termin da šaści hadoŭ.
