U kancy kastryčnika minski archieołah Ivan Śpiryn padčas rabot na Novym zamku znajšoŭ visłuju piačatku, jakuju śmieła možna adnieści da pieršych hadoŭ isnavańnia Hrodna. Pra heta paviedamlaje sajt Hrodzienskaha dziaržaŭnaha historyka-archieałahičnaha muzieja.
Takija śvincovyja piačatki zaciskalisia na šnurkach prymacavanych da dakumientaŭ, naprykład listoŭ. Ź piačatkaj buduć pracavać śpiecyjalisty, ale ŭžo možna mierkavać, što jana naležyć kniaziu Uładzimiru Manamachu, baćku hrodzienskaj kniazioŭny Ahafji. Na adnym baku vyjava Vasilija Kiesaryjskaha (niabiesnaha apiekuna Manamacha, jaki taksama mieŭ imia Vasilij) a z druhoha boku nadpis na staražytnaruskaj movie z prośbaj ab božaj dapamozie.
Takija piačatki adnosiacca da poźniaha pieryjadu ŭłady Uładzimira Manamacha (paśla 1113 h.). U 1116 h. vialiki kijeŭski kniaź Uładzimir Manamach vydaŭ svaju dačku Ahafju za kniazia Usievaładku Davydaviča. Kniaź Usievaład (Usievaładka) i zhadvajecca jak hrodzienski kniaź u 1127 hodzie — hodzie pieršaha letapisnaha ŭspaminu pra Hrodna.
