Bolšaść z 39 čałaviek, znojdzienych miortvymi ŭ hruzaviku kala Łondana, byli z Vjetnama, piša Reuters.
Spačatku palicyja zajaŭlała, što zahinułyja z Kitaja, ale infarmacyja nie paćvierdziłasia.
Ministerstva zamiežnych spraŭ Vjetnama zajaviła, što daručyła svajmu pasłu ŭ Łondanie akazać dapamohu brytanskaj palicyi ŭ vyjaŭleńni achviar.
Brytanskaja palicyja, jakaja rasśleduje hibiel 39 čałaviek, čyje cieły byli znojdzieny ŭ hruzaviku ŭ Eseksie, zatrymała čaćviarych padazravanych.
Kiroŭca hruzavika, dzie znajšli 39 cieł, byŭ zatrymany ŭ pieršy ž dzień.
U pasolstvie Vjetnama ŭ Łondanie paviedamili, što ź imi źviazalisia niekalki siemjaŭ źnikłych bieź viestak svajakoŭ.
U vjetnamskaj hramadskaj arhanizacyi Human Rights Space raspaviali, što 26-hadovaja dziaŭčyna adpraviła svajoj maci tekstavaje paviedamleńnie nočču 23 kastryčnika. Jana napisała, što jedzie ŭ hruzaviku ź Bielhii ŭ Vialikabrytaniju i joj niama čym dychać.
«Mnie vielmi škada, mama i tata. Moj šlach za miažu nie ŭdaŭsia. Ja lublu vas abaich tak mocna. Ja nie mahu dychać», — havorycca ŭ paviedamleńni.
