Pretenzii Biełarusi na kampiensacyju strat ad «padatkovaha manieŭru» ŭ rasijskim naftavym siektary abmiažoŭvajuć suvierennaje prava Rasii na praviadzieńnie ŭnutranaj palityki, ličyć Minfin Rasii. Rasijskaje ministerstva prapanavała Biełarusi pryniać rasijski padatkovy kodeks, piša Interfax.by.
Takoje mierkavańnie Minfin Rasii vykazaŭ u svaim liście pa vynikach razhladu prapanovy MZS Biełarusi ab uklučeńni ŭ paradak dnia čarhovaha pasiadžeńnia Rady ministraŭ Sajuznaj dziaržavy pytańnia ab kampiensacyi strat ad padatkovaha manieŭru. Rasijskaje ministerstva ličyć niemetazhodnym uklučać takoje pytańnie ŭ paradak dnia pasiadžeńnia hrupy.
Jak adznačajecca ŭ liście za podpisam namieśnika ministra finansaŭ Rasii Siarhieja Starčaka, źmianieńnie padatkovaha režymu ŭnutry krainy źjaŭlajecca suvierennym pravam Rasii.
Prapanovy Biełarusi ab kampiensacyi joj strat u suviazi sa źmienami rasijskaha zakanadaŭstva abmiažoŭvajuć suvierennaje prava Rasii na praviadzieńnie niezaležnaj i samastojnaj unutranaj palityki, ličać u rasijskim Minfinie.
Rasijskaje ministerstva prapanuje vyrašać hetaje pytańnie ŭ ramkach realizacyi «darožnaj karty» pa ŭnifikacyi, harmanizacyi i zbližeńni padatkovaha zakanadaŭstva dźviuch krain.
Prajektam praduhledžany mierapryjemstvy, vynikam jakich, na dumku rasijskaha boku, pavinna stać padpisańnie šeraha mižuradavych pahadnieńniaŭ ab prymianieńni na terytoryi Biełarusi norm Padatkovaha kodeksa Rasii ŭ dačynieńni da ŭsich padatkaŭ i zboraŭ, a taksama padatkovaha administravańnia.
