Bresckaje «Dynama» vychodziła na hulniu sa «Słuckam», viedajučy, što BATE zhulaŭ uničyju z «Homielem», a «Šachcior» — naohuł sastupiŭ u Mahilovie. Zdavałasia b, prosta pieramahaj u prablemnaha sieradniaka — i ŭsio.
Bramnik «Homiela» Dzianis Kaŭlinaŭ zmoh adbić pienalci ad BATE i vyratavać ničyju. Fota: FK «Homiel».
Ale prosta nie atrymałasia — da 79-j chviliny lik byŭ 0:1 na karyść słuččakoŭ. Ale bieraściejcy zdoleli pierałamić chod sustrečy dziakujučy ŭdałym zamienam i vyrvać vynikovuju pieramohu.
Što my majem ciapier? Za 5 turaŭ da kanca Brest apiaredžvaje BATE i «Šachcior» na 7 bałaŭ. Ale ŭ barysaŭcaŭ jašče jość hulnia ŭ zapasie.
U lubym razie, kab zhubić lidarstva, bresckamu «Dynama» treba stracić bały jak minimum u dvuch matčach pry idealnaj hulni barysaŭcaŭ. Uličvajučy, što kalandar u dvuch lidaraŭ amal identyčny, taki raskład vyhladaje fantastyčnym: za BATE, kaniečnie, vialiki dośvied vyrašalnych matčaŭ, ale ad ich nie asabliva što zaležyć, treba čakać niaŭdač kankurentaŭ.
Što da astatnich padziej, to tut varta adznačyć parazu minskaha «Dynama» ad «Viciebska» (adzin ź miačoŭ kamandzie Hurenki-starejšaha zabiŭ jahony syn Arciom), a taksama pieramohu «Isłačy» ŭ Žodzinie ŭ razborcy za piaty radok.
A ciapier — da padziej nastupnaha tura.
«Nioman» — «Minsk»
- 25.10, 19:00. Hrodna, CSK «Nioman».
- Kaeficyjenty: «Nioman» (pieramoha) — 2.18; ničyja — 3.05; «Homiel» (pieramoha) — 3.54.
- Matč pieršaha kruha — 1:2
Haradziency i «haradžanie» zamykajuć pieršuju dziasiatku ŭ tablicy z adnolkavaj kolkaściu bałaŭ. U apošnim tury «Nioman» zmoh pieramahčy ŭ Mazyry i krychu palepšyć svajo stanovišča.
Pieramoha nad «Minskam», jaki tydzień tamu nie hulaŭ, moža pierasunuć haradziencaŭ u pieršuju pałovu, što nie tak i drenna dla nastolki niestabilnaha siezonu.
Prahnoz «NN»: pieramoha «Niomana».
«Enierhietyk-BDU» — «Dynama-Minsk»
Minskaje mini-derbi było pieraniesiena i adbudziecca dniom u subotu.
Amal uvieś hety tydzień źjaŭlajecca infarmacyja pra novych haspadaroŭ «Dynama». Heta to Prakapienia, to nie Prakapienia, to Huceryjeŭ, to naohuł PVT. Aficyjnaj infarmacyi pakul niama, tamu davodzicca čakać.
Što da hulni, dyk, u adroźnieńnie ad svaich kankurentaŭ za miesca ŭ vyšejšaj lizie, «Enierhietyk» nie zdoleŭ zarabić turnirnych bałaŭ u minułym tury. U hulni z «Dynama» možna, kaniečnie, raźličvać na stanoŭčy vynik z ulikam niestabilnaści «bieła-sinich» (jany nie mohuć vyjhrać voś užo 3 tury zapar), ale dla hetaha treba budzie prykłaści šmat namahańniaŭ.
Prahnoz «NN»: pieramoha «Dynama».
«Słuck» — «Słavija»
«Słavija» vydała vielmi badziory start čempijanatu, u adroźnieńnie ad «Słucka», potym pačała buksavać, i da 26 tura abiedźvie kamandy padychodziać z adnolkavaj kolkaściu bałaŭ i niezajzdrosnymi sieryjami.
Prahnoz «NN»: totał, mienšy za 2,5.
«Homiel» — «Dynama-Brest»
Bieraściejcy ŭ dobrym nastroi adpraŭlajucca na ŭschod Biełarusi. Znoŭ samalotam. Tam ich čakaje «Homiel», jaki pačastavaŭ kryvi adnaho ź lidaraŭ, a ciapier, kab uratavacca ad vyletu, zachoča źniać skalp z «Dynama», jakomu nie zmohuć dapamahčy Alaksandr Najok i Arciom Mileŭski.
Siarhiej Kryviec vyjšaŭ u pieršy raz za siezon i tut ža adznačyŭsia hołam. Fota: FK «Dynama-Brest».
Na hetym tydni hulcom «bieła-błakitnych» staŭ viadomy ŭkrainski abaronca Jaŭhien Chačarydzi, a taksama chodziać čutki, što z «Dynama» padpisaŭsia i lidar «Šachciora» Elis Bakaj. Na nastupny hod kamanda ŭ Breście padbirajecca vielmi surjoznaja.
Prahnoz «NN»: totał, bolšy za 2,5.
«Isłač» — «Dniapro»
Zdajecca, spravy ŭ «Isłačy» kryšačku naładzilisia. Paśla ničyjoj ź minskim «Dynama» było abhulana žodzinskaje «Tarpieda», pramy kankurent za 4 radok. Za piać turaŭ da kanca na rachunku «vaŭkoŭ» 41 bał, da zapłanavanaj rysy ŭ 50 turnirnych punktaŭ zastałosia zdabyć try pieramohi.
Ale nie ŭsio tak prosta. «Dniapro» nabrała 7 bałaŭ u apošnich troch matčach i maje pryjemny dośvied pieramohi nad «Isłačču» ŭ pieršym kruzie. Kamanda Ivana Bijončyka druhi hod zapar dobra pravodzić kancoŭku siezona i, mahčyma, znoŭ zmoža vyratavacca.
Prahnoz «NN»: «Dniapro» nie prajhraje.
«Viciebsk» — «Tarpieda-BiełAZ»
«Viciebsk» u kancoŭcy čempijanatu zmoh krychu reabilitavacca za zmazany siezon. U kamandy Jasinskaha try pieramohi ŭ apošnich čatyroch matčach.
A voś u «Tarpieda» nie ŭsio dobra: paśla čatyroch pieramoh zapar kamanda Puntusa prajhrała dźvie hulni i apuściłasia na šosty radok, chacia źbirałasia zmahacca za čaćviorty. Usio pakul mahčyma (dziakujučy niaŭdačam minskaha «Dynama»), ale treba pieramahać.
Prahnoz «NN»: totał, mienšy za 2,5.
«Šachcior» — BATE
«Šachcior» lichamanić: u apošnich čatyroch matčach salihorcy pieramahli tolki adnojčy, a taksama źjavilisia surjoznyja kadravyja prablemy. Tak, Bakaj i Ancič traŭmavanyja (Bakaj, jak my ŭžo kazali, užo adnoj nahoj u Breście), Hramyka i Kavaloŭ padpisalisia z rasijskim «Arsienałam», a taksama nieviadomy los treniera Siarhieja Tašujeva — novy kantrakt jamu nie prapanoŭvali.
Pakul abiedźvie kamandy majuć adnolkavuju kolkaść bałaŭ, ale ŭ BATE jość hulnia ŭ zapasie. I vialikaja imaviernaść, što toj, chto prajhraje, z ulikam stanoŭčaha vyniku bresckaha «Dynama» ŭ Homieli, kančatkova vybyvaje z čempijonskaj honki.
Prahnoz «NN»: pieramoha BATE.
U suviazi sa źniaćciem z čempijanatu minskaha «Tarpieda» va ŭsich astatnich matčach «aŭtazavodcam» budzie prysudžana techničnaja paraza 0:3. Na hety raz pašancavała «Haradziei».
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
