Alaksandr Łukašenka ŭ intervju kazachskamu ahienctvu «Chabar» nazvaŭ umovy dla paśpiachovaj realizacyi prajekta pa pastaŭcy i pierapracoŭcy nafty z Kazachstana ŭ Biełaruś, pieradaje karespandent BiełTA.
«Ja dumaju, što ŭ nas atrymajecca z pastaŭkami i pierapracoŭkaj nafty, kali my damovimsia pa canie. Nu, a čamu nie damovicca? My razam možam pierapracoŭvać vašu naftu i pradavać na premijalnym jeŭrapiejskim rynku, ukrainskim rynku, na lubym, tamu što jakaść, vychad dobry ŭ nas naftapraduktaŭ», — skazaŭ kiraŭnik dziaržavy.
Jon vykazaŭ upeŭnienaść u tym, što ŭ Jeŭrazijskim ekanamičnym sajuzie nieabchodna raźvivać dvuchbakovyja kantakty pamiž krainami-ŭdzielnicami. «Treba, kab byli sumiesnyja prajekty. I nie tolki kazachstanska-rasijskija, biełaruska-rasijskija, ale i naŭprost — Kazachstan — Biełaruś», — rastłumačyŭ Łukašenka.
Adnak na šlachu raźvićcia takich kantaktaŭ časta davodzicca pieraadolvać roznaha rodu pieraškody. «My časam sami sabie stvarajem hetyja barjery. U nas niama poŭnaj unifikacyi nacyjanalnaha zakanadaŭstva. Rašeńni, jakija my časam prymajem, my ich nie adaptujem i nia ŭnosim źmianieńni ŭ nacyjanalnyja zakanadaŭstvy, nie implemientujem. Hetyja pytańni, faktyčna subjektyŭnaha charaktaru, ich treba zdymać, barjeraŭ być nie pavinna», — padkreśliŭ kiraŭnik dziaržavy.
«Znoŭ ža paŭtarusia: kali jość barjery ŭnutry našaha sajuza, Kazachstan pačynaje hladzieć vakoł: a jak ruchacca, u jakim kirunku, kali tut zakarkavali, kali tut niama ruchu nafty ŭ napramku sajuźnika, Biełarusi (Rasija nie prapuskaje hetuju naftu), tady kazachstancy pačynajuć hladzieć na Kitaj, pačynajuć hladzieć paŭdnioviej — na Pakistan, Indyju. Tudy buduć pastaŭlać hetyja pradukty. Heta narmalna? Heta nienarmalna», — praciahnuŭ biełaruski lidar.
«Ja dumaju: kali Rasija zacikaŭlena ŭ raźvićci našaha ekanamičnaha sajuza, jana nie stanie pieraškadžać hetamu, — dadaŭ Łukašenka. — Tamu što kali my pačniem błakavać ahulnyja prajekty ŭ JEAES, nu što ž, jak ja časta kažu, tady inšyja krainy, jak Biełaruś, Kazachstan, buduć šukać ščaścia na baku».
