Apieratyŭna-analityčny centry (AAC) pry prezidencie źjaŭlajecca adnoj z najbolš zakrytych śpiecsłužb našaj krainy. Centr byŭ stvorany dla dla zabieśpiačeńnia infarmacyjnaj biaśpieki. Faktyčna AAC źjaŭlajecca strukturaj, jakaja kantraluje internet.
Alaksandr Łukašenka i Andrej Paŭlučenka.
U śniežni 2017 hoda AAC uznačaliŭ były kiraŭnik Słužby biaśpieki prezidenta Andrej Paŭlučenka. Paśla taho, jak u žniŭni 2018 hoda Kanstancin Šulhan staŭ ministram suviazi i infarmatyzacyi, u Paŭlučenki nie zastałosia nivodnaha namieśnika pa AAC.
Ciapier ža na sajcie viedamstva paznačanyja dva namieśniki načalnika — heta Siarhiej Žarnasiek i Alaksandr Iŭkin. Admietna, što infarmacyja pra pryznačeńni hetych ludziej nie prachodziła ŭ aficyjnych stužkach navin. Ich imiony byli prosta dadadzienyja na sajcie AAC.
Siarhiej Žarnasiek jašče sioleta pracavaŭ načalnikam upraŭleńnia abarony infarmacyi AAC. Jahonaje imia značycca siarod arhkamiteta praviadzieńnia forumu Tibo-2019, pry hetym Žarnasiek adzin ź niamnohich, chto nie maje pad profilem fotazdymka.
Druhim namieśnikam staŭ Alaksandr Iŭkin. Čałaviek z takim imieniem raniej pracavaŭ na Biełaruskaj valutna-fondavaj biržy.
