Litaraturny fiestyval, što prachodziŭ kožny hod na radzimie paeta ŭ vioscy Haroškaŭ Rečyckaha r-na i źbiraŭ dziesiatki amataraŭ tvorčaści i siabroŭ Anatola, sioleta pašyraje farmat i pravodzicca na staličnaj placoŭcy.
U viečarynie voźmuć udzieł: Aleś Bialacki, Leanid Hałubovič, Aksana Danilčyk, Siarhiej Dubaviec, Anatol Ivaščanka, Siarhiej Kavaloŭ, Barys Piatrovič, Michaś Skobła, Siarhiej Sys, Viktar Šnip.
Na viečarynie prahučać vieršy Anatola Sysa i pieśni na jaho słovy ŭ vykanańni viadomych biełaruskich muzykaŭ: Sieržuka Doŭhušava, Kasi Kamockaj, Aleha Chamienki.
Mierapryjemstva projdzie ŭ kanfierenc-zali hatela «Minsk» (zała restarana «Siomajo nieba») pr-t Niezaležnaści, 11, korp. 2, 6 pavierch. Pačatak a 18-j hadzinie, uvachod volny!
Anatol Sys (26.10.1959 — 4.05.2005) — biełaruski paet. Skončyŭ histaryčna-fiłałahičny fakultet Homielskaha dziaržaŭnaha ŭniviersiteta (1982). Paśla słužby ŭ Savieckaj armii pracavaŭ u Vietkaŭskaj rajonnaj haziecie, starejšym śpiecyjalistam na Biełaruskim telebačańni. Debiutavaŭ vieršami ŭ časopisie Maładość (1986). U 1986 hodzie A. Sys razam z adnadumcami ŭdzielničaŭ u stvareńni Tavarystva maładych litarataraŭ «Tutejšyja». Aktyŭny ŭdzielnik maładziovych niefarmalnych abjadnańniaŭ 2-j pałovy 1980-ch hadoŭ — «Tałaka», «Tutejšyja». Kultavy biełaruski paet kanca 1980-ch. Ad siaredziny 1990-ch da svajoj śmierci Anatol Sys vielmi redka pisaŭ novyja tvory. Paezija, hramadzianskaja i tvorčaja pazicyja A. Sysa paŭpłyvali na niekalki pakaleńniaŭ biełaruskich paetaŭ.
