Rašeńnie ab vydzialeńni Biełarusi kredytu na $600 miljonaŭ pakul što nie pryniata i zaležyć ad prasoŭvańnia Rasii i Biełarusi ŭ pytańni dalejšaj intehracyi. Pra heta paviedamiŭ žurnalistam pieršy vice-premjer, ministr finansaŭ Rasii Anton Siłuanaŭ, paviedamlaje TASS.
«Nie vyrašana pakul što [pytańnie z vydzialeńniem kredytu Biełarusi]. Pa Biełarusi darožnuju kartu adpracoŭvajem ciapier. U nas ža zadača ŭ ramkach zaćvierdžanaj premjeram darožnaj karty pa svaich raździełach adpracoŭvać bolš detalovyja płany», — skazaŭ Siłuanaŭ.
Jon dadaŭ, što rašeńnie pa pytańni z kredytam zaležyć ad taho, jak «my budziem ruchacca na treku intehracyjnym».
Raniej Siłuanaŭ kazaŭ, što Rasija vydzielić Biełarusi kredyt pamieram da $600 młn, srodki pojduć na refinansavańnie płaciažoŭ u pahašeńnie asnoŭnaha doŭhu pa raniej vydzielenych Rasijaj pazykach.
