Fota pres-słužby «Barsiełony»
Lijanel Miesi šosty raz u karjery staŭ uładalnikam «Załatoj bucy», jakaja štohod uručajecca najlepšamu bambardziru jeŭrapiejskich nacyjanalnych čempijanataŭ, paviedamlaje aficyjny tvitar «Barsiełony». U Kryšcijanu Ranałdu — čatyry tytuły, piša RBK.
«Załataja buca» ŭručajecca z 1968 hoda. Z 1997 hoda arhanizataram premii źjaŭlajecca abjadnańnie jeŭrapiejskich spartyŭnych vydańniaŭ (ESM). Uładalnikam pryza stanovicca hulec, jaki nabraŭ pa chodzie siezona najbolšuju kolkaść ačkoŭ. Dla ich padliku suma zabitych futbalistam miačoŭ u čempijanacie pamnažajecca na kaeficyjent pieršynstva.
Hały, zabityja hulcami top-5 jeŭrapiejskich čempijanataŭ (Anhlii, Ispanii, Hiermanii, Italii i Francyi), aceńvajucca ŭ dva bały, čempijanaty, jakija zajmajuć z 6-ha pa 21-je miesca - u paŭtara. U astatnich lihach zabity miač prynosić adzin bał. Miesi ŭ minułym siezonie vyznačyŭsia ŭ čempijanacie Ispanii 36 razoŭ i zarabiŭ 72 bały.
U trojku lidaraŭ taksama ŭvajšli napadajučy kłuba «Pary Sien-Žermien» Kilijan Mbape i forvard «Sampdoryi» Fabia Kvaljareła. Mbape zabiŭ u čempijanacie Francyi 33 hały i atrymaŭ 66 ačkoŭ. Kvaljareła vyznačyŭsia 26 razoŭ u čempijanacie Italii (52).
