Biełaruś z-za padatkavaha manieŭru i zabrudžanaj rasijskaj nafty niedaatrymała ŭ ekspartnaj prahramie kala $1,5 młrd. Ab hetym paviedamiŭ siońnia žurnalistam pieršy namieśnik ministra zamiežnych spraŭ Andrej Jeŭdačenka, paviedamlaje BiełTA.
«Za košt padatkavaha manieŭru, niedapastavak naftapraduktaŭ, brudnaj nafty my ŭ našaj ekspartnaj prahramie niedaatrymali prykładna $1,5 młrd. Z hetaj sumy 55 pracentaŭ my zmahli kampiensavać za košt naroščvańnia ekspartnych pastavak pa inšych vidach pradukcyi. Ale treba pahladzieć rezierv, dzie znajści jašče pałavinu da kanca hoda», — skazaŭ Andrej Jeŭdačenka.
Prablemnyja pytańni ŭźnikajuć i pry dyviersifikacyi ekspartu. «U hetym hodzie roŭna na dolu 30 pracentaŭ my vyjšli na rynkach dalokaha zamiežža. U častcy Rasii i rynku ES adbyłosia zrušeńnie na karyść RF u suviazi z toj situacyjaj, jakuju my majem na rynku nafty i naftapraduktaŭ. Padatkavy manieŭr pryvioŭ da ŭzrastańnia doli Rasijskaj Fiederacyi i źmianšeńnia rynku Jeŭrapiejskaha sajuza za košt strat pa pastaŭkach naftapraduktaŭ», — rastłumačyŭ pieršy namieśnik ministra.
