Učora supracoŭniki kryminalnaha vyšuku Hrodzienskaha RAUS vyjavili niepaŭnaletnich u lasnym masivie pablizu chutara la čyhunačnaj stancyi Žytomla ŭ Hrodzienskim rajonie, paviedamlaje Źviazda.
Infarmacyja ŭ pravaachoŭnyja orhany pastupiła ad haspadara zakinutaha doma, žychara Hrodna. Mužčyna raspavioŭ, što miascovyja žychary bačyli dvuch padletkaŭ, jakija mahli znachodzicca mienavita ŭ jaho niežyłym domie.
Supracoŭniki milicyi abśledavali zakinuty budynak. A paźniej z dapamohaj słužbovaha sabaki za kiłamietr ad doma niepaŭnaletnija byli znojdzienyja ŭ lasnym masivie. Žyvymi i zdarovymi padletki pieradadzieny baćkam.
Heta ŭžo treciaje źniknieńnie maładych ludziej za niepraciahły adrezak času. U pieršym vypadku jany byli znojdzienyja ŭ lasnym masivie pablizu vioski Mahilany, u druhim — kala ahraharadka Alekšycy Bierastavickaha rajona.