Nił Ušakoŭ zajaviŭ, što padčas vizitu ŭ Minsk na pasadzie mera Ryhi jon kazaŭ pra toje, što ŭ ideale ES pavinien iści da biaźvizavaha režymu ź Biełaruśsiu, paviedamiŭ telekanał ANT.
- Jasna, što režym treba maksimalna spraščać. Heta patrabuje vialikaj biurakratyčnaj i jurydyčnaj raboty. Heta nie tolki zachacieli - i atrymałasia. Mnohija patrabavańni treba vykanać. Ale maja pierakananaść, što režym pavinien być biaźvizavy. Ja heta padtrymlivaju na ŭzroŭni Jeŭraparłamienta va ŭsich mahčymych vymiareńniach. Budu prykładać usie namahańni, kab pabolš kalehaŭ prahałasavali «za». Raźličvaju na toje, što padtrymajuć, - zajaviŭ Ušakoŭ.
Dakładnuju datu hałasavańnia pa biełaruskim vizavym pytańni ŭ aparacie Jeŭraparłamienta pakul nie nazyvajuć, adnak baki zychodziać z taho, što skončyć usie farmalnaści nieabchodna da kanca 2019 hoda. Paśla ŭstupić u siłu novy vizavy kodeks ES, jaki dla krain, što nie majuć pahadnieńnia, paciahnie za saboj padaražeńnie šenhiena da 80 jeŭra.
Pahadnieńnie ž naadvarot źnižaje canu da 35 jeŭra i daje zajaŭnikam mahčymaść atrymlivać vizy i chutčej, i praściej.
