Padrabiaźniej pra incydent kraj.by raspaviała aficyjny pradstaŭnik Maładziečanskaha RAUS Julija Kruk
— U 21.50 na liniju 102 pastupiła paviedamleńnie, što na vulicy Vialiki Haściniec kiroŭca źjechaŭ ź miesca DTZ. Pryčym skiravaŭsia ŭ zachodnim kirunku ŭ bok vioski Nasiłava.
U tym napramku vyjechali supracoŭnik DAI i supracoŭnik kryminalnaha vyšuku. Na aŭtadarozie Maładziečna — Smarhoń jany zaŭvažyli «Tajotu Łend Kruzier», jakaja vichlaŭ z boku ŭ bok, pieryjadyčna vyjazdžajučy na «sustrečku».
Pravaachoŭniki prajšli za aŭtamabilem u viosku Asanava. Na vulicy Novaj kiroŭca «Tajoty» spyniŭsia. Zzadu jaho błakavaŭ patrulny aŭtamabil milicyi, a śpieradu — «Aŭdzi» čałavieka, jaki paviedamiŭ pra DTZ.
— Pravaachoŭniki padyšli da «Tajoty», pradstavilisia. Kiroŭca vydatna bačyŭ i razumieŭ, što pierad im supracoŭniki milicyi, — adznačyła Julija Kruk. - Ale na zakonnyja patrabavańni vyjści z aŭtamabila mužčyna nie reahavaŭ. A paśla pasprabavaŭ źjechać: pajechaŭ nazad, urezaŭsia ŭ słužbovy aŭtamabil i pry ździajśnieńni razvarotu ledź nie źbiŭ inśpiektara DAI.
Tady supracoŭnik kryminalnaha vyšuku streliŭ pa dźviuch kołach. Adnak kiroŭca praciahnuŭ jechać. U vioscy Nasiłava, za radaram, jon źjechaŭ u kusty i staŭ uciakać.
- Kiroŭca ŭ vyniku byŭ zatrymany i ź miesca zdareńnia dastaŭleny ŭ IČU. Ad miedycynskaha ahladu admoviŭsia. Pry im byli znojdzienyja dva pašparty hramadzianina RF i dva paśviedčańni kiroŭcy.
U adnosinach da rasijanina składziena 7 pratakołaŭ. Aŭtamabil dastaŭleny na štrafnuju stajanku.
