Biełaruś i Rasija na hetym tydni praviaduć pieramovy pa hazavym kantrakcie na 2020 hod, paviedamiŭ siońnia žurnalistam ministr enierhietyki Biełarusi Viktar Karankievič na Biełaruskim enierhietyčnym i ekałahičnym forumie, paviedamlaje BiełTA.
«Płanujucca sustrečy, u tym liku i na hetym tydni», - skazaŭ Viktar Karankievič, adkazvajučy na pytańnie, ci čakajucca ŭ bližejšy čas pieramovy na ŭzroŭni ministerstvaŭ enierhietyki abo vice-premjeraŭ.
Raniej namieśnik premjer-ministra Ihar Lašenka zajaŭlaŭ, što Biełaruś raźličvaje vyrašyć pytańnie pa canie rasijskaha hazu na 2020 hod u śniežni. Pazicyja Biełarusi zaklučajecca ŭ tym, što dla subjektaŭ haspadarańnia ŭ Sajuznaj dziaržavie pavinny stvaracca roŭnyja ŭmovy, zychodziačy z hetaha i pavinny abmiarkoŭvacca ceny na enierhanośbity.
U 2019 hodzie cana na rasijski haz dla Biełarusi składaje $ 127 za 1 tys. kub.m
