Fota Nadziei Bužan
U śfiery suśvietnaj biaśpieki siońnia niamała pytańniaŭ, jakija ŭžo nie prosta naśpieli, ale i «pieraśpieli» i patrabujuć znajści praktyčnyja ałharytmy rašeńnia. Takoje mierkavańnie vykazaŭ kiraŭnik MZS Biełarusi Uładzimir Makiej, adkryvajučy forum «Minski dyjałoh», piša Tut.by
— Jeŭropa i Biełaruś jak jaje nieadjemnaja častka zaŭsiody asabliva vostra adčuvali luby podych vietru mižnarodnaj biaśpieki. A apošnija hady my ŭvohule žyviem pry pastajannym štarmavym papiaredžańni. Časy, kali na jeŭrapiejskim kantyniencie panavaŭ duch miru i zdarovaha partniorstva, vyniesieny paryvami hieapalityčnaj napružanaści i kanfrantacyi, — skazaŭ Makiej. — Časy adnabakovych pieramoh i paražeńniaŭ «adyšli ŭ niabyt». I, jak kazaŭ Cheminhuej, pieramožca nie atrymlivaje ničoha.
Na dumku kiraŭnika MZS, siońnia nielha admovicca ad Damovy ab rakietach siaredniaj i mienšaj dalokaści, nie vyklikaŭšy kryzisu davieru inšych mier razzbrajeńnia i vajenna-palityčnaha davieru. Tym bolš što budučynia Biełarusi nieparyŭna źviazana ź biaśpiekaj kantynienta.
- Na žal, los rasparadziŭsia tak, što budučynia Biełarusi šmat u čym zaležyć ad taho, ci zmohuć našy sajuźniki i partniory damovicca pamiž saboj. Pa hetaj pryčynie, vykarystoŭvajučy ŭsie mahčymaści, Biełaruś na ŭsich placoŭkach vystupaje za dyjałoh i adkrytaje abmierkavańnie prablemnych pytańniaŭ, - zajaviŭ Makiej.
