Vizit viarchoŭnaha pradstaŭnika Jeŭrapiejskaha sajuza pa zamiežnych spravach i palitycy biaśpieki Fiederyki Mahieryni ŭ Minsk admianiŭsia z-za nakładak u hrafiku. Pra heta paviedamiŭ siońnia žurnalistam ministr zamiežnych spraŭ Biełarusi Uładzimir Makiej u kułuarach forumu «Minski dyjałoh», piša BiełTA.
«Tut niama nijakaj tajamnicy i nijakaj kanśpirałohii», — skazaŭ Uładzimir Makiej.
Ministr adznačyŭ, što ŭ Minsku daŭno rychtavalisia da praviadzieńnia sustrečy «Uschodniaha partniorstva» vysokaha ŭzroŭniu. U joj pavinna była pryniać udzieł i Fiederyka Mahieryni. «Na žal, my doŭha nie mahli atrymać adkazu ad našych jeŭrapiejskich partnioraŭ pa dacie mierapryjemstva. Kali narešcie atrymali adkaz, akazałasia, što isnujuć peŭnyja nakładki ŭ hrafiku palityčnych mierapryjemstvaŭ, jakija prachodziać u Biełarusi. My nie zmahli zabiaśpiečyć vysoki ŭzrovień praviadzieńnia mierapryjemstva i sustrečy vysokaha ŭzroŭniu z nahody 10-hodździa «Uschodniaha partniorstva». Z-za nakładki hrafikaŭ ahulnapalityčnych mierapryjemstvaŭ i ŭ Jeŭrasajuzie, i ŭ Biełarusi pryjšłosia pieranieści hetuju sustreču», — rastłumačyŭ Uładzimir Makiej.
Jon pierakanany, što heta mierapryjemstva ŭ Minsku rana ci pozna adbudziecca, jaho daty abmiarkoŭvajucca.
