Va ŭkrainskim Žytomiry 4 kastryčnika robiacca biesprecedentnyja zachady biaśpieki pierad sustrečaj kiraŭnikoŭ Biełarusi i Ukrainy Alaksandra Łukašenki i Uładzimira Zialenskaha, piša Radyjo Svaboda.
Usie miescy, jakija Łukašenka i Zialenski majuć naviedać u miežach Forumu rehijonaŭ, ačeplenyja. Čakajecca, što paśla sustrečy sam-nasam jany voźmuć udzieł u plenarnym pasiedžańni Forumu rehijonaŭ, a zatym ahledziać vystavu bujnahabarytnaj techniki.
Samalot Łukašenki musiŭ prylacieć u Žytomir u 9.30. Forum užo idzie, žurnalistaŭ u zalu nie puskajuć, ale abiacajuć tranślacyju i zaprašajuć u aficyjny presavy centar.
Nacyjanalnaja palicyja i Nacyjanalnaja hvardyja pracujuć va ŭzmocnienym składzie, taksama šmat śpiecyjalnaj aŭtamabilnaj techniki pravaachoŭnikaŭ i «chutkich dapamoh».
Sama sustreča maje prajści ŭ budynku Abłasnoj dziaržaŭnaj administracyi (usiaredzinu puskajuć tolki pavodle śpisaŭ). Płošča pierad joj ačeplenaja, a pierad płoščaj, dzie znachodzicca vystava bujnahabarytnaj techniki, vystavili metaličnyja ramki.
Miascovyja žychary, karystajučysia prysutnaściu ŚMI ŭ horadzie, vyjšli na płošču ź nievialikaj akcyjaj pratestu.