Biełarusy zmohuć prahałasavać za pradstaŭnicu svajoj krainy na dziciačym konkursie pieśni «Jeŭrabačańnie-2019» Lizavietu Miśnikavu ŭ internecie, paviedamiła BIEŁTA kiraŭnik pres-słužbie Biełteleradyjokampanii Śviatłana Smałonskaja-Kraskoŭskaja.
«Zhodna z praviłami hałasavańnia, možna budzie vybrać ad troch da piaci artystaŭ, jakija spadabalisia, u tym liku i pradstaŭnika svajoj krainy. Padtrymać maładych vykanaŭcaŭ u internecie, prahladzieŭšy videaroliki z vystupleńniami kankursantaŭ na aficyjnym sajcie forumu, i addać svoj hołas možna budzie ŭ adzin klik z kampjutara, płanšeta abo mabilnaha telefona», - raskazała Śviatłana Smałonskaja-Kraskoŭskaja.
Hałasavańnie hledačoŭ pačniecca za niekalki dzion da finału i pradoŭžycca da pačatku samoha kancerta 24 listapada.
«Zatym, paśla žyvoha vystupleńnia ŭsich kankursantaŭ, mahčymaść prahałasavać znoŭ stanie dastupnaj. Vyniki hladackaha hałasavańnia buduć sumiravany z vynikami vybaru nacyjanalnaha žury ad kožnaj z krain-udzielnic - i takim čynam vyznačycca tryumfatar hetaha konkursu», - adznačyła kiraŭnik pres-słužby. Taki miechanizm hałasavańnia ŭviedzieny Jeŭrapiejskim viaščalnym sajuzam u 2017 hodzie.
Dziciačaje «Jeŭrabačańnie-2019» projdzie 24 listapada ŭ polskim horadzie Hlivice. Pradstaŭnica Biełarusi vykanaje na konkursie kampazicyju «Popielny».
