Prezident Pieru Marcin Viskara zahadaŭ raspuścić kanhres krainy, ale zakanadaŭcy admovilisia razychodzicca i ŭ adkaz pryniali rašeńnie ab adchileńni jaho ad ułady terminam na 12 miesiacaŭ.
Deputaty ličać, što prezident ździajśniaje ŭ krainie pieravarot i dziejničaje jak dyktatar. Paśla abviaščeńnia ab rospusku kanhresa jany zastalisia ŭ budynku i admaŭlajucca jaho pakidać. Niekatoryja ź ich zajaŭlajuć, što buduć supraciŭlacca lubym sprobam vyvieści ich z parłamienta. Uładu parłamientaryi prapanavali pieradać vice-prezidentu krainy. Jon pahadziŭsia jaje pryniać.
Pry hetym rašeńnie lidara dziaržavy padtrymała nasielnictva: u stalicy i inšych haradach ludzi vyjšli na demanstracyi ŭ padtrymku Viskary.
Paviedamlajecca, što pryčynaj palityčnaha tupiku staŭ šmathadovy karupcyjny kryzis u krainie: u turmie pa abvinavačvańniach u chabarnictvie akazvalisia i lidary partyj, i prezidenty — u tym liku papiarednik ciapierašniaha kiraŭnika dziaržavy. Abvinavačany ŭ karupcyi były prezident krainy Ałan Harsija pakončyŭ z saboj pry zatrymańni ŭ krasaviku hetaha hoda.
