U minułuju niadzielu kiroŭca aŭtamabila MAZ dastaviŭ u Jodki (Lidski rajon), na terytoryju śvinakompleksu «Prahres», kambikorm, paviedamlaje «Lidskaja hazieta».
Vyhruziŭšy kambikorm unutry składa i nie apusciŭšy hruzavuju płatformu ŭ transpartnaje stanovišča, kiroŭca pačaŭ vyjazdžać nazad. Padniataj płatformaj aŭtamabila jon zakranuŭ pieramyčku bramy, i jana razam z častkaj ściany składa abrynułasia vonki. 50-hadovy hruzčyk śvinakompleksu, jaki znachodziŭsia kala budynka, byŭ śmiarotna traŭmavany.
Pravodzicca rasśledavańnie. Ale ŭžo možna adnaznačna skazać, što asnoŭnym parušeńniem, što paciahnuła za saboj niaščasny vypadak, źjaŭlajecca parušeńnie kiroŭcam aŭtamabila patrabavańniaŭ biaśpieki.
0
0
0
0
0
0
