Aŭtar fota: Čytač partała «MOJO! Online»
U rasijskim Varoniežy pa batarejach šmatpaviarchovaha doma puścili elektryčny tok, paviedamili RBK ŭ pres-słužbie administracyi horada.
Napiaredadni avaryjnyja słužby niekalki razoŭ likvidavali karotkija zamykańni. Uviečary 28 vieraśnia na kuchni ŭ adnoj z kvater adbyłosia ŭzharańnie. Žychary paviedamlali, što tok pastupaje pa batarejach. Ranicaj 29 vieraśnia, avaryjnyja słužby vyrašyli evakujavać dva padjezdy, bo pa stajakach aciapleńnia išoŭ tok — da 220 volt.
Tudy prybyli enierhasłužba, słužba vyratavańnia i kiraŭnictva ŽKH.
Pavodle papiaredniaj viersii, pryčynaj zdareńnia było niesankcyjanavanaje padłučeńnie aciaplalnych pryboraŭ i ličylnikaŭ. Vinavatych pakul nie znajšli.
Kali viersija paćvierdzicca, budzie ŭ sudovym paradku spahnany štraf. Kali ž niaspraŭnaść była ŭ ahulnadamovaj sistemie, to paśla vykanańnia ramontnych rabot žycharam vypłaciać kampiensacyju.
Načavać žychary buduć doma. Padaču hazu ŭ ich kvatery abiacajuć adnavić zaŭtra.
